مامۆستایەکێ زانکۆیا نەورۆز داهێنان و ئافراندنەک تۆمار کر
مامۆستایێ زانکۆیا نەورۆز و راگرێ کولیژا کارگێری و ئابووری، پروفیسۆر د. حیکمەت رەشید سولتان داهێنان و ئافراندنەک ب فەرمی ل وەلاتێ هندێ تۆمار کر. داهێنانا وی شرۆڤەکرنا هەڤبەرکری یا تەکنیکێن فێربوونا کویرە بۆ دیارکرنا هۆکارێن سەرەکیێن مامەلەکرنێ ل گەل برێڤەبرنا ستراتیجیک و یا قەیرانان. داهێنانا وی گرنگیێ ددەتە خەوارزمیێن فێربوونا کویر ژ بۆ دەستنیشانکرنا هۆکارێن گرنگێن راستەوخو کارتێکرنێ ل سەر برێڤەبرنا قەیرانێن رێکخراوان دکەن. ئەڤ داهێنانە دێ یا هاریکار بیت بۆ برێڤەبرنا قەیرانان و پلاندانێن ستراتیژی. پیرۆزباهیێ ل بەرێز پ. د. حیکمەت دکەین.