د بەردەوامیا کار و چالاکیێن زانکۆیێ ل گەل جڤاکى، ل ڕۆژا چارشەمبێ ڕێکەفتى (17/11/2021) ل دەمژمێر (10:00) سپێدێ، کلینیکا یاسایى ب هەڤکارى ل گەل پشکا یاسایێ ل کۆلیژا یاسا و ڕامیارى، سمینارەکا پراکتیکى بۆ قوتابیێن قۆناغا پێنجێ ب هەماهەنگى ل گەل ڕێڤەبەریا جێبەجێکرنێ ل پارێزگەها دهۆکێ بۆ ڕێڤەبەرێ جێبەجێکرنێ بەرێز ڕێبەر سلمان خالد ل ژێر ناڤونیشانێ (پێرابوونێن جێبەجێکرنا عیراقێ یا ژمارە 45 یا سالا 1990 یا ڕاستڤەکرى) ل هۆلا کوردستان ڕێکخست.
د سمینارێدا چەندین تەوەرێن گرنگ هاتنە بەحسکرن، وەکو: ڕێکخستنا کارگێرى و دارایى یا ڕێڤەبەریا جێبەجێکرنێ، میکانیزمێن ئاسانکرنا ڕێکارێن جێبەجێکرنێ و بجههینانا هەڤسەنگیا د ناڤبەرا بەرژەوەندیا (قەرزدەر و قەرزوەرگریدا). هەروەسا بەحسێ پشک و هۆبەیێن ڕێڤەبەریا جێبەجێکرنێ ژى هاتەکرن.
ل دووماهیێ فەرە بێژین، کو ئارمانجێن سەرەکیێن سمینارا پراکتیکى ئاشناکرنا قوتابیان ل سەر گرنگیا ڕۆلێ ڕێڤەبەریا جێبەجێکرنێ د وارێ جێبەجێکرنا حوکمێن دادیێ و نڤیسارێن جێبەجێکرنێدا، ڕاوەستیانا قوتابیان ل سەر ڕێکارێن ڤەکرنا کۆنووسێ جێبەجێکرنێ ل ڕێڤەبەریا جێبەجێکرنێ و پێدانا زانیاریێن مەیدانى ب قوتابیان ل سەر جێبەجێکرنا ب ڕازیبوون و جێبەجێکرنا ب زۆرى بوون.