ل زانکۆیا نەورۆز سالڤەگەرا ریفراندۆما سەربەخۆیا کوردستانێ هاتە ساخکرن

ل رۆژا شەمبیێ رێکەفتى 25/9/2021ێ ل دەمژمێر (11:30) سپێدێ، ب هەلکەفتا بیرەوەرییا ریفراندۆما هەرێما کوردستانێ، کولیژا یاسا و رامیارى ب هەڤکارى ل گەل دەزگەهێ گشتى یێ پاراستنا ئالایێ کوردستانێ، سمینارەک بۆ بەرێز (رێبوار تالەبانى) شێوەرمەندێ سەرۆکێ حکوومەتا هەرێما کوردستانێ ل دۆر بابەتێ (خواندنەکا یاسای و سیاسى بۆ پرۆسەیا ریفراندۆمێ ل هەرێما کوردستانێ ب گشتى و ل دەڤەرێن کوردستانێ یێن ژدەرڤەى ئیدارەیا هەرێما کوردستانێ ب تایبەتى) ل هۆلا کۆنفرانسان ل کولیژا کارگێرى و ئابوورى رێکخست.
ل دەستپێکێ سەرۆکێ زانکۆیێ پەیڤا بخێرهاتن و پیرۆزکرنا سالڤەگەرا ریفراندۆمێ پێشکێشکر، د پەیڤا خۆدا ئاماژە ب گرنگیا ئەنجامدانا ریفراندۆما سەربەخۆیا کوردستانێ و سەرکەڤتنا پرۆسێسا ریفراندۆمێ دا. هەروەسا ئێکرێزی و ئێکدەنگیا هەمى لایەنان ل سەر پرسا ریفراندۆمێ ب دەستکەڤتەکا دیرۆکى و نەتەوەى ب ناڤکر. ژ ئالییەکێ دى، بەحسێ قووناغێن بەرى ئەنجامدان و پشتى ئەنجامدانا ریفراندۆمێ کر و ب هویرى داڤە و ڕاڤەیا بوویەر و پێشهاتان کر.
پاشى دەرفەت رێبوار تالەبانى هاتەدان، کو سمینارا خوە ل سەر ناڤونیشانێ دەستنیشانکرى پێشکێش بکەت. ناڤبرى د دەمەکێ دیارکریدا سمینارا خوە پێشکێشکر و ئاماژە ب چەندین خال و هویرکاریێن نوو ل سەر پرسا ریفراندۆما سەربەخۆییا کوردستانێ دان.
ل دووماهییا سمینارێ دەرگەهێ دانوستاندنێ هاتەڤەکرن و ئامادەبوویان دیتن و بۆچوونێن خۆ ل دۆر سمینارێ دەربڕین. ل دویڤدا ب خوەشحالى ئارمێ زانکۆیێ و چەندین دیاریێن دى هاتنە پێشکێشکرن.

Share :