ب پشتەڤانیا پ. د. عەبدولوەهاب خالد مووسا سەرۆکێ زانکۆیا نەورۆز و ب سەرپەرشتیا د. محەمەدعەلى یاسین تاها، هاریکارێ سەرۆکێ زانکۆیێ بۆ کاروبارێن کارگێرى و دارایى و قوتابیان، کۆمبوونا قارەمانیێن وەرزێ وەرزشى یێ زانکۆیا نەورۆز هاتەکرن.
د کۆمبوونێدا هاریکارێ سەرۆکێ زانکۆیێ، هەڤکاریا خۆ بۆ سەرئێخستنا وەرزێ وەرزشى ڕاگەهاند و تەکەزى ل سەر پێشئێخستنا وەرزشا زانکۆیێ ژ هەمى لایانڤە کر. د هەمان کۆمبووندا و ب پشکداریا 6 زانکۆیێن پارێزگەها دهۆکێ پشکێشکان بۆ قارەمانیێن فۆتبۆلا بچویککرى یا مامۆستا و فەرمانبەران، تەپا مێزێ یا مامۆستا و قوتابیان ل گەل قارەمانیا باسکتبۆلا 3×3 یا قوتابیێن کچ هاتەکرن. هەروەسا دێ قارەمانیا فۆتبۆلێ ل سەر ئاستێ کۆلیژێن زانکۆیا نەورۆز ژی هێتەکرن.
بریارە، د دەمەکێ نێزیکدا قارەمانیێن ناڤبرى د سەقایەکێ خۆشدا دەستپێبکەن.