ل رۆژا سێشەمبێ رێکەفتى (27/4/2021) ل دەمژمێر (10:00) سپێدێ، زانکۆیا نەورۆز ل ژێر ناڤونیشانێ (تو گەنجەکێ/ گەنجەکا خودانئارمانجى و حەزدکەى پرۆژەیێ خۆ یێ تایبەت دەستپێبکەى؟ تو نوکە خودان پرۆژەى و حەز دکەى پێشبێخى؟) خۆلەکا نیشاندانا بەرنامەیێن رێکخراوا کار یا نێڤدەولەتى ILO ب تایبەتى پرۆگرامێ SIYB Start and Improve Your Business بۆ قوتابییێن قووناغا سێیێ و چارێیێن کۆلیژا کارگێرى و ئابوورى ب هەڤکارى ل گەل کۆمپانییا  پێشدار یا راوێژکارییا کارگێرى و راهێنان و کەلکا ئابوورییا سنوورداررێکخست.

ئارمانجا سەرەکییا خۆلێ بهێزکرنا شیان و زێدەکرنا پێزانینێن قۆتابییان ژ بۆ دروستکرنا هزرێن کارسازییێ و دەسپێکرنا کارێن تایبەت وبرێڤەبرنا کاروبارانە.

هەژییە بێژین، کو خۆل دێ بۆ دەمێ دوو ڕۆژان ب سمینار و وانەیێن جودا ژ لایێ ڕاهێنەران (د. شڤان ئەحمەد محەمەد، د. ئاری محەمەدعەلی، م. محەمەد ئەحمەد محەمەد) ل هۆلا پێداگۆجى و پەرەپێدانا ئەکادیمى بەردەوام بیت.