پشکا وەرگێرانێ ل زانکۆیا نەورۆز ب هەڤکارى ل گەل کۆمەلەیا وەرگێرانێ ل کوردستانێ، سەمپۆزیومەک ل ژێر ناڤونیشانێ (ئاریشەیێن هەڤچەرخ د وەرگێرانا نڤیسکى و دەڤکیدا) ل ڕۆژا سێشەمبێ ڕێکەفتى (21/12/2021) ل دەمژمێر (11:00) سپێدێ گێرا.
ل دەستپێکێ پ. د. عەبدولوەهاب خالد مووسا سەرۆکێ زانکۆیێ پەیڤا بخێرهاتنێ پێشکێشکر، پاشى ب گرنگى ئاماژە ب بزاڤا وەرگێرانێ ل هەرێما کوردستانێ و ل دەڤەرێ ب تایبەتى دا.
ژ لایێ خۆڤە، ڕاگرێ کۆلیژێ پ. د. حسێن گەرگەرى کورتیەک ل دۆر سەمپۆزیومێ و تەوەران وەکو بەرچاڤ ڕۆهنیەک پێشکێشکر. پاشى دەرفەت ب مامۆستا لەزگین بارانى، سەرۆکێ پشکا وەرگێرانێ هاتەدان، کو بەحسێ پشکا وەرگێرانێ و گێرانا ڤی سەمپۆزیومێ بکەت. هەروەسا مامۆستا کەمال عەبدولا دۆسکى پەیڤا کۆمەلەیێ خواند و دەستخۆشى ل ڤێ پێنگاڤا گرنگ یا زانکۆیا نەورۆز و سازکرنا سەمپۆزیومەکێ د وارێ وەرگێرانێدا کر.
ل دویڤدا پەنەلێن سەمپۆزیومێ ب سمینارێن خۆڤە دەستپێکرن و د دەمێ خۆ یێ دەستنیشانکریدا ژ لایێ پەنەلیستانڤە هاتنە پێشێکشکرن.