پرۆژەیێن زانکۆیا نەورۆز ل گه‌ل زانکۆیا دارام یا بریتانى دێ ده‌ستپێكه‌ن
پرۆژەیێ زانکۆیا نەورۆز و زانکۆیا دارام یا بریتانی د وارێ وورکشۆپ و راهێنانێن ئەکادیمیک دا ل مەها شوباتا بهێت دێ کەفتە کارى. ئەڤ پرۆژەیە ب پشتەڤانیا ئەکادیمیا بریتانی دێ برێڤەچیت و یێ تەرخانکریە بۆ ئاڤاکرنا شیانێن مامۆستایێن زانکۆیێن کوردستانێ بۆ نڤیسینا ڤەکۆلینێن ئەکادیمی و بەلاڤکرنا وان د گۆڤارێن جیهانی دا، کو دێ ب سەرپەرشییا زانایێن شارازایێن نێڤدەولتی بیت د بیاڤێ زانستێن مرۆڤایەتی و جڤاکیدا. هەژیە بێژین ئەڤ پرۆژەیە ژ ئەنجامێ ب دەستڤەئینانا گرانتەکێ بوو ژ ئەکادیمیا بریتانى، کو ب شیانێن هەردو مامۆستایان: د. محەمەدعەلى یاسین (مامۆستایێ بەشێ زانستێن سیاسی ل کولیژا یاسا و رامیاری ل زانکۆیا نەورۆز) و پ. د. باهار باشێر (مامۆستایا سکۆلا حکومەت و پەیوەندیێن نێڤدەولەتی ل زانکۆیا دارام) هاتیە بدەستخستن.