ل ڕۆژا دووشەمبێ ڕێکەفتى (1/2/2021) ل دەمژمێر (11:00) سپێدێ، ڕێزدار دکتۆر محەمەدعەلى یاسین تاها هاریکارێ سەرۆکێ زانکۆیێ بۆ کاروبارێن کارگێرى و دارایى و قوتابییان و بەرێز دکتۆر محەمەد حەسەن خەمۆ مامۆستایێ زانکۆیێ، کۆمبوونەکا فەرمى ل گەل کۆمکارا وەلاتێن عەرەبى و ئێکەتییا بەنکێن عەرەبى ب مەرەما سازکرنا کۆنفرانسەکێ ناڤدەولەتى ئەنجامدان.
هەژییەبێژین، کو د کۆمبوونێدا دانوستاندن ل دۆر ژڤان، تەوەر و بابەتێن کۆنفرانسى ب ئامادەبوونا کەسایەتییێن پەیوەندیدار هاتەکرن. ژ لایەکێ دی بڕیار هاتەدان، کو د ئایندەیەکێ نێزیکدا ئامادەکارى ژ بۆ گێڕانا کۆنفرانسى بهێنەکرن، هەروەسا پێشبینییا ئەوێ چەندێ دهێتەکرن کو د وەرزێ هاڤينا ئەڤسالەدا کۆنفرانسێ ناڤبرى بهێتە گێڕان.