ل زانکۆیا نەورۆز پەنەلەکێ ڤەکرى ل دۆر پلاندانانا باژێڕان هاتە گێڕان

ل ڕۆژا چارشەمبێ ڕێکەفتى (17/2/2021) ل دەمژمێر (11:00) سپێدێ، ب ئامادەبوونا ڕێزدار پرۆفیسۆر دکتۆر (عەبدولوەهاب خالد مووسا) سەرۆکێ زانکۆیا نەورۆز و هاریکارێن سەرۆکێ زانکۆیێ و ڕاگرێن کۆلیژ و فەکۆلتیان و مامۆستا و قوتابییێن زانکۆیێ و دەزگەهێن ڕاگەهاندنێ، پەنەلەکێ ڤەکرى ل ژێر ناڤونیشانێ (پلاندانانا باژێڕێن سەردەم) ب هەماهەنگى ل گەل زانکۆیا دهۆک و ڕێڤەبەرییا پلاندانانێ هاتەگێران.
د پەنەلێ ناڤبریدا هەر ئێک ژ بەرێزان پرۆفیسۆر دکتۆر تورکى حەسەن ژ زانکۆیا نەورۆز و دکتۆر ئسماعیل ئبراهیم ژ زانکۆیا دهۆکێ و مێرخواز مستەفا ڕێڤەبەرێ پلاندانانا دهۆکێ ب بابەتێن جوداجودا پشکداربوون.
پشتى مامۆستایان بابەتێن خوە پێشکێشکرین، دەرگەهێ دانوستاندنێ هاتەڤەکرن و ئامادەبوویان دیتن و بۆچوونێن خوە ل سەر بابەتى دەربڕین، هەروەسا ل دووماهییێ باوەرنامەیێن ڕێزگرتنێ ب مامۆستایێن پشکدار هاتنەدان.

بەڵاڤ بکە :