ل رۆژا دوشەمبێ رێکەفتى (26/4/2021) ل دەمژمێر (11:00) سپێدێ (پ. د. عەبدولوەهاب خالد مووسا) سەرۆکێ زانکۆیا نەورۆز پێشەوازییا بەرێز (سەربەست تروانشى) ئەندامێ سەرکردایەتییا پارتی دیمۆکراتی کوردستان - بەرپرسێ لقێ ئێک کر.
سەرۆکێ زانکۆیێ ب ناڤێ جڤاتا زانکۆیێ بخێرهاتنا مێهڤانێن رێزدار کر و خۆشحالیا خۆ ب سەرەدانا وان دەربڕى. پاشان ئاماژە ب سالا خواندنێ، پاراستنا بهایێن زانستى و ئەکادیمى، قووناغێن وەرارا زانکۆیێ و نووترین کار و چالاکییان دا.
ژ لایێ خۆڤە رێزدار (سەربەست تروانشى) سوپاسییا زانکۆیێ و پێشەوازییا گەرم کر، هەروەسا پیرۆزباهییا سەرۆکێ زانکۆیێ ب هەلکەڤتا وەرگرتنا پۆستێ (سەرۆکێ زانکۆیێ) کر و تەکەزى ل سەر پاراستنا بهایێن نەتەوەیى و کوردستانى و ئاڤاکرنا تاکەکەسەکێ ساخلەم هاتەکرن. دیسان بەرپرسێ لقێ پشتەڤانییا خوە ژ بۆ هەمى کار و بزاڤێن زانستیێن زانکۆیێ دیارکر.