ل ڕۆژا شەمبییێ ڕێکەفتى (20/2/2021) ل دەمژمێر (11:00) سپێدێ، ب ئامادەبوونا ڕێزدار پرۆفیسۆر دکتۆر (عەبدولوەهاب خالد مووسا) سەرۆکێ زانکۆیا نەورۆز و بەڕێزان هاریکارێن سەرۆکێ زانکۆیێ و مامۆستا و قوتابییان، ڕاگرییا کولیژا زمان ب هەڤکارى ل گەل دەستەیا ئامادەکار یا بەهرەمەندێن نەورۆز پێشانگەهەکا شێوەکاری ژ بۆ (هێلین سیروان شاکر) قوتابییا قۆناغا سێیێ ل پشکا زمانێ ئینگلیزییێ ڤەکرن.
د پێشانگەهێدا سەرۆکێ زانکۆیێ پشتەڤانییا خۆ ژ بۆ کار و چالاکییێن وەها ڕەوشەنبیرى و کەلتوورى دیارکر، هەروەسا خوازت ب بەردەوامى بەهرەیێن قوتابییان بهێنەنیشاندان و کارێن ئەوان بهێنەدیارکرن.
گرنگە بێژین، کو د پێشانگەهێدا 27 تابلۆیێن زەیتى ب ڕەنگ و ستایلێن جودا هاتنە نمایشکرن و دەربڕین ژ مژار و بابەتێن جودا دکرن.