ل دويڤ پلان و به‌رنامه‌يێ دارشتى، ڕۆژا پێنجێ ژ فێرگه‌ها هاڤينێ و كه‌مپا زانكۆيا نه‌ورۆز به‌رده‌واميێ ب كار و چالاكيێن خۆ دده‌ت. ل دانێ سپێدێ وه‌رزشا سپێده‌هيان و گه‌ڕا ل ناڤ سروشتى هاته‌كرن. ل دانێ نيڤرۆ، به‌رده‌وامى ب ووركشۆپێ سه‌ركردايه‌تيێ هاته‌دان، ئه‌وێ كو ژ لايێ د. محه‌مه‌دعه‌لى ياسين تاها هاريكارێ سه‌رۆكێ زانكۆيێ و سه‌رپه‌رشتێ گشتيێ فێرگه‌هێ دهێته‌ پێشكێشكرن. ل دانێ ئێڤارى ژى، ووركشۆپه‌ك ل سه‌ر چاوانيا وێنه‌گرتنێ ژ لايێ وێنه‌گر لاوك سلڤن هاته‌ گۆتن. پاشى، پشكدارێن فێرگه‌هه‌كێ هه‌وه‌كا پاقژكرنا ده‌وروبه‌رێن سكرێ دهۆكێ ئه‌نجامدا و هشياريا پاراستنا ژينگه‌هێ به‌لاڤكرن.