فێرگەها هاڤینێ بەردەوامیێ ب خشتەیێ کار و چالاکیێن خۆ ددەت

فێرگه‌ها هاڤينێ و كه‌مپا زانكۆيا نه‌ورۆز ب پلان و به‌رنامه‌يێ خۆ بۆ ڕۆژا چارێ به‌رده‌واميێ ب بزاڤ و چالاكيێن خۆ دده‌ت. ل دانێ سپێدێ و پشتى وه‌رزشا سپێده‌هيان و خوارنا تێشتێ و بلندكرنا ئالايێ كوردستانێ، ووركشۆپ و سميناران ده‌ستپێكر. ل ده‌ستپێكێ، ووركشۆپه‌ك ل سه‌ر ماف و به‌رپرسيارى و ئه‌ركێن هه‌ڤژينيێ ژ لايێ پ. د. ئيسماعيل ئه‌بابه‌كر ڤه‌ هاته‌ پێشكێشكرن و ل دويڤ ووركشۆپه‌كێ دى ل سه‌ر خراب بكارئينانا ئاميرێن ته‌كنۆلۆژى ژ لايێ مامۆستا هارى خه‌يرى ڤه‌ هاته‌ گۆتن. پشتى بێهنڤه‌دانێ و خوارنا فراڤينێ، ووركشۆپه‌كێ دى يێ  ل سه‌ر مژارا سه‌ركردايه‌تيێ ژ لايێ د. محه‌مه‌دعه‌لى ياسين هاريكارێ سه‌رۆكێ زانكۆيێ و سه‌رپه‌رشتێ گشتى يێ فێرگه‌هێ هاته‌ پێشكێشكرن. ل دانێ ئێڤارى، گه‌ڕا چالاكيێن وه‌رزشى و بووراندنا ده‌مه‌ك خۆش ل گه‌ل مۆزيكێ و سترانان بوو. هه‌روه‌سا، ب شه‌ڤێ ژى ياريێن كورده‌وارى ب كه‌يفوخۆشيه‌كا مه‌زن ژ لايێ پشكدارانڤه‌ و ب سه‌رپه‌رشتيا ڕاهێنه‌رێن فێرگه‌هێ هاتنه‌كرن.

بەڵاڤ بکە :