ڕۆژا شه‌شێ ژ فێرگه‌ها هاڤينێ و كه‌مپا زانكۆيا نه‌ورۆز ب پلان و به‌رنامه‌يێن خۆ يێن پێشكه‌فتى و مفادار به‌رده‌وامه‌. د ئه‌ڤێ ڕۆژێدا، وه‌رزشا سپێده‌هيان و خوارنا تێشتێ ل گه‌ليێ ئاڤۆكێ ل گه‌ل گه‌ڕيانه‌كا سه‌رپێ و خۆش ل ناڤ سروشت و ژينگه‌ها گه‌لى، خه‌مله‌كا دى يا فێرگه‌ها مه‌ بوو.
ل دانێ نيڤرۆ و ئێڤارى، به‌رده‌وامى ب ووركشۆپێ سه‌ركردايه‌تيێ ب ئاوايێ كۆم و چێكرنا گرۆپان هاته‌دان. قوتابيان ب هزر و بۆچوونێن خۆ پشكدارى د مژارا سه‌ركردايه‌تيێدا كرن. ژ لايێ خۆ ڤه‌ د. محه‌مه‌دعه‌لى ياسين تاها كو ڕاهێنه‌ر و سه‌رپه‌رشتێ فێرگه‌هێيه‌ خۆشحاليا خۆ ب هزر و ديتنێن پشكدارێن فێرگه‌هێ ل سه‌ر بابه‌تێ سه‌ركردايه‌تيێ ديار كر. ب شه‌ڤێ ژى، ياريێن وه‌رزشى و كورده‌وارى هاتنه‌كرن و پشكداران سه‌قايه‌كێ خۆش د ناڤ كه‌مپێدا چێكر.