ل ڕۆژا ئێكشه‌مبێ ڕێكه‌فتى (21/8/2022) د به‌رده‌واميا كار و چالاكييێن فێرگه‌ها هاڤينێ و كه‌مپا زنكۆيا نه‌ورۆز دا. ب شێوازه‌كێ ڕێكخستى و ل دويڤ خشته‌يێ كار و چالاكييێن ڕۆژا دووماهيێ ژ فێرگه‌هێ. ل دانێ سپێدێ، ووركشۆپه‌ك ل سه‌ر كارسازيێ ژ لايێ مامۆستا ئه‌ڤين عه‌بدولره‌حمان هاته‌ پێشكێشكرن. د ئه‌ڤى ووركشۆپيدا، قوتابيان ڕۆله‌كێ گرنگ هه‌بوو و ب ئاوايێ كۆم و گرۆپان ئه‌ركێن خۆ جێبجێ دكرن. پشتى خوارنا فراڤينێ، ووركشۆپێ دوويێ ل سه‌ر چاوانيا برێڤه‌برنا پرۆژه‌يێن بچويك ژ لايێ ڕاهێنه‌ر هونه‌ر سه‌گڤان ب هويرى هاته‌ گۆتن و هه‌ر تشتێ پێدڤى ل دۆر كارگێريا پرۆژه‌يێن بچويك هاته‌ شرۆڤه‌كرن.
ل دانێ ئێڤارى و ب ئاماده‌بوونا سه‌رۆكێ زانكۆيێ و هاريكارێ سه‌رۆكێ زانكۆيێ و ڕاگرێن كۆليژان، ڕێوره‌سمێ ب دووماهيكئينانا فێرگه‌ها هاڤينێ و كه‌مپا زانكۆيا نه‌ورۆز هاته‌ ڕێكخستن. پ. د. عه‌بدولوه‌هاب خالد مووسا سه‌رۆكێ زانكۆيێ، د په‌يڤه‌كێدا خۆشحاليا خۆ ب سه‌ركه‌فتنا فێرگه‌ها هاڤينێ ده‌ربڕى و داخوازا پاشه‌ڕۆژه‌كا گه‌ش و ب مفا بۆ پشكدارێن فێرگه‌هێ كر. هه‌روه‌سا، هاريكارێ سه‌رۆكێ زانكۆيێ و سه‌رپه‌رشتێ گشتى يێ فێرگه‌هێ د. محه‌مه‌دعه‌لى ياسين په‌يڤا ب دووماهيكئينا فێرگه‌هێ پێشكێشكر و پيرۆزباهى ل ده‌رچوويان كر.
د بڕگه‌يا دووماهييێدا، باوه‌رنامه‌يێن ڕێزگرتن و پشكداريێ ب ڕاهێنه‌ر و پشكدارێن فێرگه‌هێ هاتنه‌دان.