سێیەمین وورکشۆپا زانکۆیا نەورۆز و زانکۆیا دارام یا بریتانی دەستپێکر

ب سەرپەرشتیا هەردو مامۆستایان، د. محەمەدعەلى یاسین تاها ژ زانکۆیا نەورۆز و پ. د. باهار باشێر ژ زانکۆیا دارام یا بریتانی، سێیەمین وورکشۆپا پێشئێخستنا شیانێن ڤەکۆلەرێن زانکۆیێن کوردستانێ دەستپێکر. د ڤێ وورکشۆپێ دا، کو ل رێکەفتى ١٣\٦\٢٠٢٢ هاتەکرن، پرۆفیسۆرێن تایبەتمەند د وارێن زانستێن جڤاکناسی و مرۆڤناسی و ڤەکۆلەرێن نێڤدەولەتى ل گەل سەرنڤیسکارێن گۆڤارێن ئەکادیمیێن جیهانی د پێشکێشکرنا بابەت و مژارێن زانستى و ئەکادیمیدا بەشداربوون و دانوستاندن و نیقاش ل سەر رەشنڤیسێن پرۆژە ڤەکۆلینێن پشکدارێن وورکشۆپێ کرن. دهێتە زانین، ئەڤ پرۆژە ب پشتەڤانیا دارایی و مانەوی یا ئەکادیمیا بریتانی یا نێڤدەولەتی دهێتە رێکخستن و برێڤەبرن و  ڤەکۆلینێن پشکداران پشتی پشکداری د کۆنفرانسێ دوماهیکا ڤی پرۆژەی، دێ د ئێک ژ کۆڤارێن ئاستبلندێن ئەکادیمیێن جیهانیدا بهێنە بەلاڤکرن.

بەڵاڤ بکە :