ب مەرەما خورتكرنا تێكه‌ليێن زانستى و ئه‌كاديمى و ديتنا ده‌ليڤه‌يێن ته‌مامكرنا خواندنێ بلند، هاریکارێ سەرۆکێ زانکۆیا نەورۆز، د. محەمەدعەلی یاسین تاها، پێشوازی ل شاندەکێ کۆنسلخانەیا بریتانی کر ب سەروکاتیا مستر جەیمس چارلتون و خانم هەنار مەعرووف ژ بەشێ سیاسی یێ کۆنسولخانەیێ. د روینشتنەکێ دا بەحسێ پەیوەندیا د ناڤبەرا زانکۆیا نەورۆز و زانکۆیێن بریتانى و دەلیڤەیێن هەڤکاریێن زێدەتر د وارێن ئەکادیمى و کەلتووریدا کرن. پشتی هینگێ، شاندێ ناڤبری سمینارەک ل دۆر پرۆگرامێ چیڤنینگ سكۆله‌رشيپ بۆ ده‌رچووى و قوتابيێن زانكۆيا نه‌ورۆز پێشكێشكر. د ڤێ سمينارێدا، کو ل رۆژا چارشه‌مبێ رێكه‌فتى (22/6/2022) ل ده‌مژمێر (11:30) سپێدێ هاتە سازکرن، ب هويرى به‌حسێ چاوانيا بده‌ستڤه‌ئينانا كورسيێن خواندنا بلند ل وه‌لاتێ بريتانيا هاته‌كرن. پاشی دەلیڤە ب ئاماده‌بوويان هاته‌دان، كو هزر و پرسيارێن خۆ ل دۆر به‌رنامه‌يێ ناڤبرى پێشكێش بكه‌ن.