وفد من جامعة نوروز يزور الجامعات الموجودة في محافظة دهوك

ب مەرەما پیرۆزباهیێ ل هەرسێ سەرۆکێن نوى یێن زانکۆیێن پارێزگەها دهۆکێ بۆ پۆستێن وان یێن نوی و زێدەتر خورتکرنا پەیوەندیان، ئەڤرۆ ڕێکەفتى 22/11/2021 پ. د. عەبدولوەهاب خالد مووسا سەرۆکێ زانکۆیا نەورۆز و د. محەمەدعەلى یاسین تاها هاریکارێ سەرۆکێ زانکۆیێ سەرەدانا هەر ئێک ژ بەرێزان: د. داود ئەترووشى (سەرۆکێ زانکۆیا دهۆک)، د. ئارى عادل (سەرۆکا زانکۆیا پۆلیتەکنیک یا دهۆکێ) و د. نازم جەقسى (سەرۆکێ زانکۆیا زاخۆ) کرن.
د ڤان سەرەدانان دا، داخوازا سەرکەفتنێ بۆ هەرسێ سەرۆکێن نوی یێن زانکۆیان د ئەرکێن واندا بۆ پێشڤەبرنا پرۆسەیا ئەکادیمى ل دەڤەرێ هاتەکرن و تەکەزى ل سەر هەڤکاریا ئەکادیمی و پێشڤەبرنا پەیوەندیێن زانستى دناڤبەرا زانکۆیا نەورۆز و زانکۆیێن ناڤبریدا هاتەکرن. هێژای گۆتنێ یە کو هەر لایەکی ژ لایێ خۆ ڤە ئامادەییا خۆ بۆ هەڤکاریا ئەکادیمی دناڤبەرا زانکۆیێن حکوومی و یێن کەرتێ تایبەتدا دەربری.

شارك :