مامۆستایەکێ زانکۆیا نەورۆز ل گەل دو مامۆستایێن زانکۆیەکا بریتانی پەرتووکەکێ دەردئێخن
ب هاریکاریا هەردو دەزگەهێن بریتانی: (The British Institute for the Study of Iraq) و (Centre for Kurdish Studies)، مامۆستایێ زانکۆیا نەورۆز د. یاسرێ حەسەنی ل گەل هەردو مامۆستایێن زانکۆیا ئێکستەر یا بریتانی د. کلیمۆنس سکالبێرت یۆسێل و د. فەرەنگیس قادری پەرتووکەکا هەڤپشک ب زمانێ ئینگلیزی دەردئێخن. پەرتووک ل ژێر ناڤونیشانێن (Women’s Voices from Kurdistan: A Selection of Kurdish Poetry) هاتییە بەلاڤکرن، کو ڤەکۆلین و سەرێخستنا دەنگێ ژنا کوردە بۆ خواندەڤانێ بیانی. د ڤێ پەرتووکێ دا، کو ژ وەشانێن وەشانخانەیا (Transnational Press London)ە، کۆمەکا هەلبەستێن کوردی ژ هەر چار پارچەیێن کوردستانێ هاتینە وەرگێران بۆ سەر زمانێ ئینگلیزی. هەلبەستڤانا ئەمریکی رینات هاریل ب کارێ ئدیتینگا وەرگێرانێ رابوویە. ژ هەلبەستڤانێن ژن یێن پارچەیا کوردستانا عیراقێ هەلبەستێن تریفا دۆسکی، تیرۆژ ئامێدی و ڤیان محەمەد تاهر هاتینە وەرگێران. پەیڤێن بەرگێ پشتێ یێ پەرتووکێ ژ لایێ پرۆفیسۆر د. شەهرزاد موجاب ژ زانکۆیا تۆرنتۆ یا کەنەدی و پرۆفیسۆر د. ریجینیا گانیەر ژ زانکۆیا ئێکستەر هاتینە نڤیسین. هەژییە بێژین د. یاسر مامۆستایێ پشکا وەرگێرانێیە ل کولیژا زمان، هەروەسا رێڤەبەرێ پەیوەندی و راگەهاندنێ یە ل زانکۆیا نەورۆز.
بۆ زانینا زانیاریێن زێدەتر، سەرەدانا لینکێن ل خوارێ دیارکری بکەن:
http://socialsciences.exeter.ac.uk/iais/newsandevents/news/articles/newpublicationwomensvoice.html
