سەنتەرێ ڤەکۆلینێن زانستى ل زانکۆیا نەورۆز ل دویڤ بڕیارا جڤاتا خواندنا بلند یا ژمارە (9/3948) ل ڕێککەڤتى (28/6/2016) هاتییەدامەزراندن و ل ڕێککەڤتى (1/11/2017) ستاڤێ سەنتەرى دەست ب کارێ خوە یێ ئەکادیمى کرییە.
ڤەکۆلینێن زانستى دهێنەهژماردن ئێک ژ گرنگترین فاکتەرێن پێشئێخستنا و بلندکرنا ئاستێ ڕەوشەنبیرییێ جڤاکان، هەروەسا د هەمى بیاڤێن ژیانێدا گرنگى و تایبەتمەندییا خوە هەیە. پشتەڤانى ب ئەوى ڕۆلێ سەنتەرێ ڤەکۆلینان ژ بۆ بدەستڤەهینانا دیتن و نێرینا زانکۆیێ یا کو ژ دیتن و نێرینا وەزارەتێ بەرجەستەبووى، ئەڤ چەندە ب زەڵالى ئاشکەرا دبیت کو سەنتەرێ ڤەکۆلینان ل زانکۆیا نەورۆز پێکۆلان ژ بۆ هاندان و پێشئێخستنا زانستى و هزر و ڕەوشەنبیرییێ دکەت. هەلبەت ئەڤ چەندە ژى برێیا پشتەڤانى و هاریکارى و جێبجێکرنا پلانێن زانستى، ژ پێخەمەت بلندکرنا ئاستێ زانستى یێ زانکۆیێ ب پێشکەڤتیترین ئالاڤێن نویخواز یێن ناڤخوە و جیهانى.