ئێك: نێرین
سه‌نته‌ر چاڤه‌رێ دكه‌ت ژبوو پێشبینیكرنا كرتنا جهه‌كێ كارا دناڤ سه‌نته‌رێن ڤه‌كولینێن زانستی یێن نافخویى ونیڤ ده‌وله‌تى دا بو وێ یه‌كێ ببیته‌ جهه‌كێ گونجای بۆ پێشئیخستنا ڤه‌كولینێن زانستى برێكا چاڤدێریكرنا ڤه‌كوله‌رێن داهێنه‌ر وزیره‌ك، له‌ورا ئه‌ڤ چه‌نده‌ وه‌ل سه‌نته‌رى دكه‌ت كو ببیته‌ جهه‌ك ژبوو بجهئینانا ئارمانجێت ڤه‌كولینێت زانستی وداواكاریێن وان چ ئه‌وێن پێدڤیاتیێن كارێن ئه‌كادیمى دناڤ زانكویێ دا یان ئه‌و كارێت گرێدای بگومه‌لگه‌هێ ڤه‌.

دوو: كار
ئه‌ركێ سه‌نته‌رى پالپشتیكرنا لایه‌نێ پراكتیكى یێ ڤه‌كولینێت زانستی یه‌ دبوارێ ئه‌كادیمی دا ب ئاوایه‌كێ كو گه‌ش وهه‌وایه‌كێ گونجاى بره‌خسینیت ژبوۆ پێشئیخستنا گه‌شه‌پێدان وخوشگوزه‌ره‌نیا گومه‌لگه‌هێ وپێشگه‌فتنا وى، و نێرینا سه‌نته‌رى ئه‌وه‌ كو ئه‌ڤ ئه‌ركه‌ دشیان دایه‌ بجه بهێت برێكا پێشئێخستنا شیانێن به‌لاڤكرنا زانستی وپه‌ره‌پێدان بكارێن ته‌مامكه‌ر بو كارێ ئه‌كادیمی وه‌ك ووركشوب وپانێل وخولێن مه‌شقكرنێ ئه‌وێن فه‌ر بۆ دلنیا جۆرى زانستی.

سێ: ئه‌رك وئارمانجێن سه‌نته‌رى
1-پالپشتیكرنا ڤه‌كولینن زانستی ل زانكویی وگرێدانا وان ب كومه‌لگه‌ها كوردستانى ڤه‌ وهاندانا هزرو بیرن ئیبداعی ین ڤه‌كوله‌را ل زانكویی وپێشكێشكرنا پالپشتیكرنه‌كا فه‌ر بۆ جێبه‌جێكرنا وان لدیف به‌رژه‌وه‌ندیا زانكویی وكومه‌لگه‌هێ.
2- ڤه‌كرنا چالاكیین ڤه‌كولینان و راویژكاری د ئه‌وان بوارین خزمه‌تا جڤاكی دكه‌ن برێ یا به‌رنامین راهینانان وخولین نافخویی وده‌ره‌كی.
3- سه‌نته‌ر لدیڤ شیانان رادبیت ب لابرنا ئه‌وان ئاسته‌نگا یێن كو دكه‌ڤنه‌ د رێ یا ڤه‌كوله‌ران دا پێخه‌مه‌ت پیشڤه‌برنا ئاستی زانستی و ڤوكولینان ل زانكویی.
4- پالپشتیكرنا ڤه‌كولینێن زانستی د بوار وبابه‌تێن گرنگ دا ل ده‌ڤه‌رێ به‌ری كوچا نیڤ ده‌له‌تی چ یا سه‌ربخو یان نه‌چاری بیت وبهه‌می شێوازێن وێ یێن تاكه‌ كه‌سی و بكومه‌ل و به‌رده‌وام وده‌مكی، زیده‌باری ئه‌نجامدانا ڤه‌كولینێن هویر لسه‌ر كه‌سێن نها یێن ده‌ڤه‌رێ.
5- پالپشتیكرنا مادی بو ڤه‌كولینێن زانستی وپالپشتیكرن وهاندانا نڤێسینا ڤه‌كولینان وپه‌رتوكان لدویڤ پلانه‌كا سه‌نته‌ری یا دارشتی، وتێدا جور ورادێ پێدڤی پێ بوونا ئه‌وان ڤه‌كولین و په‌رتوكان دهێته‌ ده‌ستنیشانكرن.
6- رابوون ب وه‌رگرتنا رایا گشتی وگه‌شتین مه‌یدانی سه‌باره‌ت كه‌یسێن گریدای ئێمناهیا نافخویی و خوشیا جڤاكی و گورانكاریێن رامیاری و ئابووری ویاسایی و بابه‌تێن هه‌ڤشێوه‌، رێكخستنا كونفرانس و مێزگه‌ردان سه‌باره‌ت كه‌یسێن گرێدای ب به‌رژه‌وه‌ندیا هه‌ریمێ ڤه‌، ڤه‌خاندنا كه‌یس وقه‌یرانێن نیڤ ده‌وله‌تی یێن سه‌رده‌م ب نویترین شێوێن زانستی، سه‌رپه‌رشتیا ره‌نگڤه‌دانێن وان لسه‌ر ئێمناهی وپاشه‌روژا هه‌ریمێ، به‌رهه‌ڤكرنا راپورت وپێشنیاران سه‌باره‌ت چه‌وانیا سه‌ره‌ده‌ریكرنا دگه‌ل دا .
7- دروستكرنا په‌یوه‌ندیێن هه‌ڤبه‌ش دگه‌ل سه‌نته‌رێن شاره‌زایی وسه‌نته‌رێن ڤه‌كولینان یێن نافخویی وده‌ره‌كی، ئینانا به‌هره‌مه‌ند وخودان شیانێن ڤه‌كولینان ژبو كاركرنێ ل سه‌نته‌ران یان ل زانكویێ ب هه‌ماهه‌نگی دگه‌ل زانكویێ ورازیبوونا وێ.
8- پێشكێشكرنا خزمه‌تێن راوێژكرنی بو لایه‌نێن په‌یوه‌ندیدار وده‌زگه‌هێن میری وتایبه‌ت.
9- ئاڤاكرنا په‌یوه‌ندیێن ره‌وشه‌نبیری وزانستی دكه‌ل سه‌نته‌ر وده‌زگه‌هێن هه‌ڤشێوه‌ ل عیراقی وده‌رڤه‌ برێ یا ڤه‌كولینێن هه‌ڤبه‌ش ونامه‌یان وسه‌ره‌دانان و راوێژین گرنگیه‌كا هه‌ڤبه‌ش هه‌ین بو خزمه‌تا جڤاكی كوردستانی، هه‌ڤكاری دگه‌ل رێكخراوێن جڤاكێ سڤیل د بوارێن هشیاریا كومه‌لایه‌تی ومافێن مروڤی دا.